ગુજરાત સરકાર ગુજરાત રાજ્ય સંસ્કૃત બોર્ડ દ્વારા રાજ્યમાં સંસ્કૃત ભારતીય જ્ઞાન પરંપરા અને શ્રીમદ્ ભગવદ્ ગીતાના સંવર્ધન માટે વિવિધ યોજનાઓ સંચાલિત થઈ રહી છે. આ પ્રયાસો અંતર્ગત ગીતા જયંતીના પાવન અવસર પર રાજ્યભરમાં જિલ્લા સ્તરીય ગીતા મહોત્સવ નું આયોજન થનાર છે.જે અંતર્ગત સાબરકાંઠા જિલ્લા સ્તરીય ગીતા મહોત્સવ નો કાર્યક્રમ તારીખ 1 ડિસેમ્બર સોમવારના રોજ સવારે 10:00 કલાકે નગરપાલિકા ટાઉનહોલ ઈડર ખાતે યોજાનાર છે.
ગીતા મહોત્સવમાં વૈદિક મંત્રોચ્ચાર,સામૂહિક પાઠ,દ્રશ્ય ચિત્ર પ્રદર્શન,પ્રેરક સંબોધન,સન્માન વિધિ સહિતના કાર્યક્રમ યોજાનાર છે. આ પવિત્ર પ્રસંગે જિલ્લાના તમામ નાગરિકોને સહભાગી બની ગીતા જયંતીના આ મહોત્સવ ને સફળ અને સાર્થક બનાવવા જિલ્લા શિક્ષણ અધિકારીની કચેરી ની એક અખબારી યાદીમાં જણાવાયું છે.
